Proteínas presentes no ollo humano poderían ser a base de novos fármacos antimicrobianos

Identificar substancias naturais do corpo que teñen acción antimicrobiana e producilas en grandes cantidades en laboratorios para o seu uso en tratamentos médicos, é unha vía moi interesante para desenvolver novos fármacos.

Descubriuse que certas proteínas do ollo son capaces de manter a raia a xérmenes patóxenos. Estas substancias poderían ser a base de novos fármacos antimicrobianos, os cales ademais resultarían baratos.

O equipo de especialistas en visión da Universidade de California en Berkeley fixeron o achado e probou a versión sintética destas proteínas, derivadas da citoqueratina 6A, a fin de ver o alcance da súa acción contra diversos microbios patóxenos. Estas moléculas sintéticas aniquilaron ás bacterias causantes da inflamación de gorxa e de algúns casos de fascitis necrotizante (Streptococcus pyogenes), diarrea e a veces infeccións mortais (Escherichia coli), así como infeccións causadas por Staphylococcus aureus e Pseudomas aeruginosa.

A citoqueratina 6A  pode ser atopada en células epiteliais da córnea humana, así como na pel, pelo e uñas. Todas estas son áreas expostas a microorganismos, polo que é razoable que exista en elas estas barreiras defensivas naturais extra.

Tal como razoa a microbióloga Suzanne Fleiszig, do equipo de investigación e profesora da Universidade de  California, dado que as substancias investigadas no estudo están presentes no corpo, é obvio que son biocompatibles e sen toxicidade manifestada.
Ademais son relativamente fáciles de fabricar. Por todo elo, son boas candidatas para terapias de baixo costo.
O problema con outras pequenas moléculas antimicrobianas naturais, identificadas en estudos anteriores, é que son  toxicas ou facilmente inactivables polas concentracións normais de sal no noso corpo.

En esta investigación tamén traballaron Connie Tam, James Mun e David Evans, todos da Universidade de California en Berkeley.

A Fundación Bill e Melinda Gates, así como os Institutos Nacionais de Saúde, nos Estados Unidos, presentaron axuda para este estudo.